Արտագնա խաղում «Բարսելոնան» հաղթեց «Էսպանյոլին» (տեսանյութ)

Իսպանիայի առաջնության 33-րդ տուրի շրջանակում կայացավ կատալոնական դերբին. «Էսպանյոլը» հյուրընկալել էր «Բարսելոնային»:

«Կորնելյա Էլ-Պրատ» մարզադաշտում կայացած խաղում հյուրերը երկու անպատասխան գոլ խփեցին: Առաջին խաղակեսում մեկական գոլով աչքի ընկան Նեյմարը և Մեսսին, իսկ երկրորդում ակտիվացած «Էսպանյոլին» չհաջողվեց բեկել հանդիպման ընթացքը: Նշենք, որ 54-րդ րոպեին «Բարսելոնան» խաղում էր տասը հոգով. խաղադաշտից հեռացվեց Խորդի Ալբան:

Այս հաղթանակից հետո «Բարսելոնան» ունի 81 միավոր և շարունակում է գլխավորել մրցաշարային աղյուսակը` երկրորդ հորիզոնականում ընթացող «Ռեալի» նկատմամբ ունենալով 5 միավորի առավելություն, սակայն մադրիդյան թիմը տուրի շրջանակում իր խաղն անցկացնելու է վաղը: «Էսպանյոլը» մնաց 42 միավորով` 10-րդ տեղում:

Իսպանիայի առաջնություն, 33-րդ տուր

«Էսպանյոլ»-«Բարսելոնա»` 0:2
Գոլերը` Նեյմարի 17', Մեսսի 25'
Հեռացումներ` Էկտոր Մորենո 90+1' - Ալբա 54'